 |
| លោកមេធាវី ជូង ជូងី ថ្លែងនៅមុខសាលាឧទ្ធរណ៍ ពេលការពារសំណុំរឿងអតីតព្រះសង្ឃ ហន សុផាន្នី នៅថ្ងៃទី២១ ខែសីហា ឆ្នាំ២០១៧។ RFA/Yang Chandara |
ដោយ យ៉ង ចាន់តារា RFA 2017-08-21
សាលាឧទ្ធរណ៍រក្សាការឃុំខ្លួនអតីតព្រះសង្ឃ ហន សុផាន្នី ជាបន្តទៅទៀត ដោយបដិសេធបណ្តឹងសុំនៅក្រៅឃុំរបស់មេធាវី ជូង ជូងី។
ការសម្រេចរបស់សាលាឧទ្ធរណ៍នេះ ធ្វើឡើងក្នុងសវនាការអសាធរណៈនៅព្រឹកថ្ងៃទី ២១ សីហា។
អតីតព្រះសង្ឃ ហន សុផាន្នី ដែលជាសមាជិកបណ្តាញព្រះសង្ឃឯករាជ្យ ត្រូវបានសមត្ថកិច្ចខេត្តបាត់ដំបងចាប់ផ្សឹកដោយប្រញាប់ប្រញាល់ កាលពីអំឡុងខែ មិថុនា កន្លងទៅ ដោយចោទព្រះអង្គថា បានលាក់ទុកអាវុធខុសច្បាប់។
អតីតព្រះសង្ឃអង្គនេះ ត្រូវបានតុលាការខេត្តបាត់ដំបងបញ្ជូនទៅឃុំខ្លួននៅពន្ធនាគារ ដោយចោទប្រកាន់ពីរករណី គឺពីបទកាន់កាប់អាវុធដោយគ្មានការអនុញ្ញាត និងញុះញង់ឲ្យប្រព្រឹត្តបទឧក្រិដ្ឋជាអាទិ៍ តាមមាត្រា ៤៩០ និង ៤៩៥ នៃក្រមព្រហ្មទណ្ឌ។
ការចាប់ឃុំខ្លួនសមាជិកបណ្តាញព្រះសង្ឃឯករាជ្យដោយក្រុមអាជ្ញាធរនេះ គឺដោយសារតែអតីតព្រះសង្ឃ ហន សុនផាន្នី បានបង្ហោះរូបកាន់កាំភ្លើងជ័រ និងដាវ ក្នុងហ្វេសប៊ុក រួមនឹងសំណេរថា ហាត់បាញ់កាំភ្លើងដើម្បីរក្សាលទ្ធផលបោះឆ្នោត៕
From KI Media - Khmer Intelligence
via_IFTTT
0 Comments