របបក្រុងភ្នំពេញនៅថ្ងៃទី៧ វិច្ឆិកានេះ បានចាប់ខ្លួនសកម្មជនគណបក្សសង្គ្រោះជាតិពីរនាក់បន្ថែមទៀតនៅក្នុងខេត្តតាកែវ។ សកម្មជនគណបក្សសង្គ្រោះជាតិដែលរបបក្រុងភ្នំពេញចាប់ខ្លួនរួមមានលោក កួយ ចន្តា អាយុ៣៥ឆ្នាំ រស់នៅភូមិត្រពាំងសោម ឃុំត្រពាំងធំខាងត្បូង ស្រុកត្រាំកក់ ខេត្តតាកែវ និង លោក ថាវ រិទ្ធិ អាយុ៤៨ឆ្នាំ រស់នៅភូមិតាលាក់ខាងជើង ឃុំគុស ស្រុកត្រាំកក់។
របបក្រុងភ្នំពេញបានចោទប្រកាន់ពីបទសង្ស័យថា ជាប់ពាក់ព័ន្ធពីបទរួមគំនិតក្បត់ផ្ដួលរំលំរបបក្រុងភ្នំពេញ។
អ្នកនាំពាក្យសមាគមសិទ្ធិមនុស្សអាដហុកលោក សឹង សែនករុណា ថា ការចាប់ខ្លួននេះមានលក្ខណៈនយោបាយដោយសារតែការចាប់ខ្លួន និងឃាត់ខ្លួនភាគច្រើនអាជ្ញាធរធ្វើឡើងតាមទំនើងចិត្ត។ លោកបញ្ជាក់ថា ស្របពេលស្ថានភាពលោក សម រង្ស៊ី វិលចូលមាតុប្រទេសវិញការចាប់ខ្លួនសកម្មជន និងការចោទប្រកាន់មកលើសកម្មជនបក្សប្រឆាំងកាន់តែមានចំនួនច្រើនឡើង ហើយលោកទទូចអោយមេដឹកនាំគណបក្សទាំងពីរ គួរតែវិលទៅរកតុចរចាដើម្បីដោះស្រាយវិបត្តិនយោបាយចុងក្រោយនេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
From ព័ត៌មានថ្មីៗ | RFA
via_IFTTT
0 Comments