ចៅក្រមសាលាឧទ្ធរណ៍ភ្នំពេញសម្រេចពន្យារពេលសវនាការប្រធានគណបក្សសង្គ្រោះជាតិ លោក កឹម សុខា ទៅខែក្រោយដោយសារដាច់ភ្លើងនៅព្រឹកថ្ងៃទី២៥ មេសា នេះ ខណៈសវនាការបានអូសបន្លាយពេលចំនួន ៧លើកមកហើយ។
សហមេធាវីការពារក្ដីលោក កឹម សុខា គឺអ្នកស្រី ម៉េង សុភារី ថ្លែងនៅមុខសាលាឧទ្ធរណ៍ថា ថ្ងៃនេះគឺជាវេនដែលសហមេធាវីរបស់លោក កឹម សុខា សួរនាំកូនក្ដីរបស់ខ្លួន ជុំវិញការចោទប្រកាន់របស់ចៅក្រម។ ស្រាប់តែការសាកសួរទើបចាប់ផ្ដើមបានតែ ៤សំណួរ ហើយលោក កឹម សុខា ឆ្លើយបាន ៣សំណួរ អគ្គិសនីក៏បានដាច់ ជាហេតុធ្វើឱ្យចៅក្រមសម្រេចលើកពេលសវនាការ ទៅថ្ងៃទី៩ ខែឧសភា វិញ។
អ្នកស្រី ម៉េង សុភារី បន្តថា លោក កឹម សុខា បន្តបដិសេធការចោទប្រកាន់របស់ចៅក្រមដែលចោទថា លោកបានគប់គិតជាមួយបរទេសផ្ដួលរំលំរដ្ឋាភិបាល។
សូមរង់ចាំអាន និងស្ដាប់ព័ត៌មានពិស្ដារក្នុងកម្មវិធីផ្សាយនារាត្រីនេះ...
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
From ព័ត៌មានថ្មីៗ | RFA
via_IFTTT
0 Comments