លោក សុន ឆ័យ ជាប្រធានក្រុមតំណាងរាស្ត្រគណបក្សសង្គ្រោះជាតិ ដែលត្រូវបានរបបលោក ហ៊ុន សែន រំលាយ ឲ្យដឹងនៅថ្ងៃទី២៩ ឧសភា ថា អ្នកទោសមនសិការរួមមាន តំណាងរាស្ត្រ និងសកម្មជនគណបក្សប្រឆាំងដែលកំពុងជាប់ពន្ធនាគារបានរងទណ្ឌកម្ម គាបសង្កត់ពីឆ្មាំពន្ធនាគារយ៉ាងធ្ងន់ធ្ងរ។
លោក សុន ឆ័យ លើកឡើងដូច្នេះ ដោយសារតែលោកនិង លោក ទៀ វណ្ណុល ជាប្រធានគណបក្សភ្លើងទៀន បានទៅសួរសុខទុក្ខ សកម្មជនគណបក្សសង្គ្រោះជាតិចំនួន ១៥រូប ក្នុងនោះមាន លោក អ៊ុំ សំអាន និង លោក មាជ សុវណ្ណារ៉ា ជាដើម។ សកម្មជនទាំងនោះប្រាប់លោកថា ខាងឆ្មាំពន្ធនាគាររឹតបន្តឹងសព្វបែបយ៉ាង គឺមិនអនុញ្ញាតឱ្យចេញក្រៅពីបន្ទប់ដូចកាលពីមុនទេ ក្រោយពី លោកនាយករដ្ឋមន្ត្រី ហ៊ុន សែន បានប្រកាសឲ្យក្រសួងមហាផ្ទៃ ទៅឆែកក្នុងបន្ទប់លោក មាជ សុវណ្ណារ៉ា អំពីការប្រើប្រាស់ទូរស័ព្ទដៃទាក់ទងចេញពីពន្ធនាគារមក។
លោក សុន ឆ័យ អះអាងថា ខាងពន្ធនាគារមិនត្រឹមតែរឹតបន្តឹងតែលោក មាជ សុវណ្ណារ៉ា តែម្នាក់នោះទេ គឺគេរឹតបន្តឹងនិងដាក់ទណ្ឌកម្មធ្ងន់ធ្ងរ ដល់សកម្មជនគណបក្សប្រឆាំងទាំងអស់ ដែលកំពុងតែជាប់ពន្ធនាគារ។
សូមស្ដាប់បទសម្ភាសន៍ជាមួយលោក សុន ឆ័យ បន្ថែមទៀតពីបញ្ហានេះដូចតទៅ។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
From ព័ត៌មានថ្មីៗ | RFA
via_IFTTT
0 Comments