សាលាដំបូងខេត្តស្វាយរៀងសម្រេចដោះលែងសកម្មជនគណបក្សប្រឆាំង២នាក់ នៅថ្ងៃទី១៩ ឧសភា បន្ទាប់ពីពួកគេអនុវត្តទោសគ្រប់ចំនួន ក្នុងពន្ធនាគារក្រោមបទចោទប្រកាន់ពីការក្លែងលិខិតសាធារណៈ និងញុះញង់ឲ្យមានការប្រព្រឹត្តបទល្មើសជាអាទិ៍។
តំណាងរាស្ត្រគណបក្សសង្គ្រោះជាតិ មណ្ឌលស្វាយរៀង លោក គង់ សភា ឲ្យអាស៊ីសេរីដឹងថា នៅម៉ោងប្រមាណ១១ព្រឹក លោកនិងអ្នកគាំទ្រមួយចំនួន កំពុងនៅមុខពន្ធនាគារខេត្តស្វាយរៀង ដើម្បីចាំទទួលសកម្មជនទាំងពីរនាក់ ដែលមន្ត្រីពន្ធនាគារកំពុងរៀបចំឯកសារឲ្យពួកគេចេញពីពន្ធនាគារ។
សមាជិកក្រុមប្រឹក្សាក្រុងបាវិតមកពីគណបក្សសម រង្ស៊ី លោក នង សារិទ្ធ និងសកម្មជនគណបក្សសង្គ្រោះជាតិ លោក សុខ សំអ៊ាន ត្រូវតុលាការខេត្តស្វាយរៀងផ្ដន្ទាទោសដាក់ពន្ធនាគារ ១៨ខែ និងពិន័យប្រាក់២លានរៀលក្នុងម្នាក់ កាលពីថ្ងៃទី៥ ខែមករា ឆ្នាំ២០១៧។ អ្នកទាំងពីរត្រូវបានសមត្ថកិច្ចចាប់ខ្លួនកាលពីថ្ងៃទី១៩ ខែវិច្ឆិកា ឆ្នាំ២០១៥ ក្រោយមានការបង្ហោះសំបុត្របញ្ជាក់កំណើតរបស់អ្នកភូមិក្លែងក្លាយលើបណ្ដាញសង្គមហ្វេសប៊ុក (Facebook) ដែលប្ដូរត្រង់ប្រទេសកម្ពុជា ទៅជាប្រទេសវៀតណាម។
សូមរង់ចាំអាន និងស្ដាប់ព័ត៌មានពិស្ដារ...
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
From ព័ត៌មានថ្មីៗ | RFA
via_IFTTT
0 Comments