អាការៈពីរោគតម្រង់នោម ដែលអ្នកមិនគួរប្រហែស ជាពិសេស សំរាប់អ្នកអង្គុយយូរម៉ោង

សុខភាព៖ ជំងឺតម្រង់នោមគឺជាប្រភេទជំងឺ ក្នុងចំនោមភ្នាក់ងារសំលាប់ដ៏កាចសាហាវបំផុត ដែលកើតមកលើមនុស្សចាស់ក្មេង។ មនុស្សមួយចំនួនមិនបានដឹងពីអាការៈរបស់ខ្លួនឡើយ រហូតបណ្តែតបណ្តោយអោយធ្លាក់ចូលក្នុងដំណាក់កាលដ៏ធ្ងន់ធ្ងរ។

បើយោងតាម National Kidney Foundation បានបង្ហាញថា មានមនុស្សច្រើនជាង២៦លាននាក់ នៅអាមេរិក បានកំពុងទទួលរងពីប្រភេទជំងឺមួយនេះ។

​​តម្រង់នោមគឺមានសរីរាង្គពីរ ដែលស្ថិតនៅផ្នែកខាងក្រោយនៃក្បាលពោះ នៅពីចំហៀងសរសៃឆ្អឹងខ្នង និងស្ថិតនៅលើចង្កេះ។ តម្រង់នោមមានមុខងារយ៉ាងសំខាន់ ដើម្បីឆ្លើយតមតាមតំរូវការសុខភាពទាំងមូល នៅក្នុងរាងកាយ។

ក្រៅពីនោះ វាថែមទាំងជួយលាងជំរះភាពល្អក់កករចេញពីប្លោកនោម ផលិតកោសិកាឈាមក្រហម ទៀងទាត់ បញ្ចេញអរម៉ូន ដែលជួយជំរុញទៅដល់សំពាធឈាម និង ជួយជំរុញដល់តួនាទីផលិតរបស់វីតាមីនឌី ដែលឆ្អឹងត្រូវការជាចាំបាច់។

ចូរចំណាំថា មុខងាររបស់តម្រង់នោមគឺចុះខ្សោយទៅតាមអាយុមនុស្ស ហើយកត្តាចំបងនោះគឺ ក៏ជាពេលវេលាដែលបន្សល់ការប្រឈមជាច្រើនជាមួយរោគទាំងនេះ។

នៅពេលដែលអ្នកចាប់ផ្តើមកើតរោគនេះភ្លាម គឺវានៅមិនទាន់បង្ហាញពីរោគសញ្ញាច្រើនទេ ហេតុដូច្នេះហើយ វាប្រាកដជាពិបាកធ្វើរោគវិនិច្ឆ័យបន្តិច។

ក៏ប៉ុន្តែយ៉ាងណា វាក៏បញ្ចេញអាការៈនៅលើដងខ្លួនអ្នកមួយចំនួនដែរ៖

១, មានអារម្មណ៏ស្រៀវស្រាញ ហត់អស់កំលាំង

២, ឡើងកន្ទួលនៅលើស្បែកនិងរមាស់

៣, វិលមុខ ឈឺក្បាលចង់ឆ្កួត

៤, ឈឺខ្នងពិបាកនិយាយ

៥, នោមញឹកញាប់ នៅពេលយប់

៦, ចុកក្នុងតម្រង់នោម តែពេលបញ្ចេញគឺមានកំរិតទឹកនោមតិចបំផុត

៧, ទឹកនោមមានពណ៌ខ្មៅស្រអាប់

៨, ជួនកាលមានធ្លាក់ឈាមមកជាមួយ

៩, មានអារម្មណ៏ឈឺចាប់ ពេលបត់ជើងម្តងៗ

ប្រសិនបើ អ្នកមានអាការៈបែបនេះជាង១សប្តាហ៏ ចូរប្រញាប់ពិគ្រោះជាមួយគ្រូពេទ្យជាបន្ទាប់៕

ដកស្រង់ពី កេហទំព័រ my lekha

ប្រែ​សម្រួលដោយ៖ បូស៊ីម