​អ្នក​នាំ​ពាក្យ​ក្រសួង​អប់រំ​៖ ​ដំណើរ​ការ​ប្រលង​បាក់​ឌុប​ទាំង​២ថ្ងៃ​នេះ ​បញ្ចប់​ដោយ​រលូន​

ការ​ប្រលង​សញ្ញា​បត្រ​មធ្យម​សិក្សា​ទុតិយ​ភូមិ ឬ​បាក់ឌុប បាន​បញ្ចប់​ទៅ​ហើយ​នៅ​ថ្ងៃ​ទី២០​ខែសីហា​នេះ បន្ទាប់​ពី​ដំណើរ​ការ​អស់​រយៈ​ពេល​២ថ្ងៃ នៅ​ទូទាំង​ប្រទេស​កម្ពុជា​។ លោក រស់ សុវាចា អ្នក​នាំ​ពាក្យ​ក្រសួង​អប់រំ យុវជន និង​កីឡា បាន​ឲ្យ​ដឹង​ថា​ដំណើរ​ការ​នៃ​ការ​ប្រលង​គឺ​មាន​ភាព​រលូន និង​មាន​ភាព​ជោគ​ជ័យ ដូច​ជា​ការ​ប្រលង​រយៈ​ពេល​៥ឆ្នាំ​កន្លង​មក​ដែរ​។ ទោះ​យ៉ាង​ណា ការ​ប្រលង​ឆ្នាំ​នេះ នៅ​តែ​មាន​បេក្ខជន​មួយ​ចំនួន​មាន​បញ្ហា​សុខភាព​ក្នុង​ពេល​ប្រលង និងបេក្ខជន​ជិត​២ពាន់​នាក់​ទៀត មិន​បាន​មក​ប្រលង​។ ដោយ​ឡែក​បញ្ហា អាកាស​ធាតុ​មិន​មែន​ជា​ឧបសគ្គ​រំខាន​ដល់​ដំណើរ​ការ​ប្រលង​ឡើយ​។ 

from rss_feed_cambodia_title-RFI | RFI
via IFTTT