ក្រុងហ្គឺរដាស្ពឺ: ចារណែល ស៊ីញ អាយុ ៤២ ឆ្នាំ ត្រូវបានបញ្ជូនទៅកាន់មន្ទីរពេទ្យសហប្រតិបត្ដិការក្នុងទីក្រុងហ្គឺរដាស្ពឺ ប្រទេសឥណ្ឌា បន្ទាប់ពីត្អូញត្អែរឈឺពោះធ្ងន់ធ្ងរ។
អ្វីដែលបុរសរូបនេះមិនបានប្រាប់នោះគឺថា លោកបានលេបកាំបិតមុខស្រួច ៤០ ផ្លែក្នុងរយៈពេលប៉ុន្មានខែមុននេះ។
ដោយមានស្ថានភាពជំងឺដ៏កម្រហៅថា PICA លោក ស៊ីញ បានប្រាប់ថា លោកពិតជាចង់លេបកាំបិតនេះ។ អ្នកជំងឺ PICA ខ្លះទៀតស្រេកឃ្លានហូបរបស់គ្រប់ប្រភេទ មានចាប់ពីខ្សាច់រហូតដល់សាប៊ូ និងអេប៉ុង។
វេជ្ជបណ្ឌិត ជីទីនឌ័រ ម៉ាលហូត្រា បានថ្លែងប្រាប់ក្រោយពីធ្វើការវះកាត់ ៥ ម៉ោងជាមួយសហការីរបស់លោកថា៖ «ពិតជាគួរឲ្យស្រៀវខ្លាំងណាស់ ខ្ញុំមិនធ្លាប់បានឃើញអ្វីចម្លែកបែបនេះនោះទេក្នុងមួយអាជីពខ្ញុំនេះ»។
ការវះកាត់ជោគជ័យ អ្នកជំងឺក៏អាចអាចវិលទៅផ្ទះបាន៕
AFP, Phnompenh post
