កូនអ្នកចម្ការ

៚៚ កូនអ្នកចម្ការ ៚៚

កូនអ្នកចម្ការវាសនាមិនគាប់
ជីវិតអ្នកអភព្វវិលវល់ដូចផ្សែង
ស្រីចង់រៀនសូត្រចេះដូចគេឯង
ជីវភាពចំបែងថ្លែងប្រាប់អ្នកណា។

រកព្រឹកខ្វះល្ងាចសំពាយកម្មក្រាស
ពុកម្តាយក៏ចាស់ស្រីព្រួយសោកា
បានត្រឹមលួចយំលាក់ក្នុងចិន្តា
បន់ស្រន់ទេវតាក្រែងបានធូរទ្រូង

បេះបោចបន្លែផ្លែផ្កាយកលក់
ប្រឹងប្រែងវីវក់ខ្លួនខ្មៅដូចធ្យូង
បាយលាយទឹកភ្នែកឈឺជ្រែកបេះដូង
ដូចយកអន្លូងមកទូងដួងចិត្ត។

៚៚៚៚៚៚៚៚៚៚៚
០៧.០៨.១៦ (ស្នំឯក ស្តេចកន)